Pinangunahan ni Authority of the Freeport Area of Bataan (AFAB) Administrator at CEO Hussein P. Pangandaman, ang paglulunsad ng unang McDonald’s store sa Freeport Area of Bataan (FAB) ngayong noong ika-24 ng Hulyo 2024.

Sa kabila ng masungit na panahon, matagumpay na isinagawa ang ribbon-cutting ceremony, na nagmarka ng pagbubukas ng bagong establisimyento. Nakasama ni Administrator Pangandaman si Mayor Ace Jello Concepcion at iba pang local officials ng naturang bayan.

Sa kanyang talumpati, binigyang-diin ni Pangandaman ang magiging ambag ng McDonald’s FAB sa lokal na ekonomiya at ang mga oportunidad na maibibigay nito sa komunidad. Ang McDonald’s FAB ay may kakaibang disenyo at pangalawa lamang sa ganitong uri sa bansa. Mayroon itong mga modernong pasilidad tulad ng EV charging station, specialty coffee menu, at panoramic na 360-degree na tanawin ng kalikasan.

The post McDo Branch sa FAB, bukas na! appeared first on 1Bataan.